Ari Bakir ئارى بكر

عضوالأكاديميةالكندية للإستشارات والتدريبPCT عضوالأكاديميةالعربيةالعالمیةللتدريب والتطوير م.DPO معلم اللغةالعربية و مدرب تعليم السياقة Kurdistan

مَرحَباً بِكُم في مُدَوَّنَة آري بَكر * به‌خێربێن بۆ بلوگه‌ری ئاری بكر * هیوادارم بابه‌ته‌كانی ئه‌م بلوگه‌ره‌ جێگه‌ی ڕه‌زامه‌ندی خوای گه‌وره‌و مایه‌ی سوودی ئێوه‌ بێت به‌خێربێن بۆ بلوگه‌ری ئاری بكر

ئايكؤني بةيجةكان

الجمعة، يناير 23، 2015

جه‌نابی وه‌زیر خۆت شلكه‌ دوو هه‌فته‌ی ماوه‌

ده‌ردێكی هێند بێ ڕه‌زایه‌ هه‌تا توشی نه‌بیت نازانیت چۆنه‌ , هه‌ولێری گوته‌نی هه‌موو قه‌لبم ژان ئه‌كات , وه‌ك گه‌نده‌ڵیه‌كانی حكومه‌ت بۆخۆشم نازانم كوێم دێشێت , له‌ژێر دوولێفه‌ی توبی له‌ولێفانه‌ی كه‌ده‌یده‌ن به‌ ئاواره‌كان و ئه‌وانیش به‌ حه‌وت هه‌زار ده‌یفرۆشنه‌وه‌ و له‌ پاڵ ئه‌و زۆپایه‌شدا كه‌گڕه‌كه‌ی هه‌ڵچووه‌ وه‌ك داخی موچه‌خۆر له‌حكومه‌ت , له‌سه‌ره‌تای سه‌رمای ئه‌مساڵه‌وه‌ هه‌ركات ته‌نكیه‌كه‌ی ده‌خه‌مه‌ به‌ر ته‌نكی نه‌وته‌كه‌مان له‌و ڕۆژه‌ ده‌ترسم كه‌به‌لۆعه‌كه‌ی بكه‌مه‌وه‌و قرقێنه‌یه‌كی له‌سه‌ر برسیه‌تی لێبدات وبه‌به‌تاڵی بگرمێنێ و وه‌ك وه‌زیری دارایی بڵێ چاوه‌ڕێی لوتفی وه‌زیری سامانه‌ سروشتیه‌كان به‌.
ببورن ده‌رده‌كه‌ هێند گرانه‌ وه‌ك باسم كرد له‌ژێر دوو به‌تانی و له‌پاڵ زۆپایه‌كدا ته‌قه‌ی دانم ده‌ڵێی ده‌نگی دیلكۆی سه‌یاره‌كه‌مه‌ كه‌له‌به‌رخراپی ئه‌وبه‌نزینه‌ی كه‌له‌م دابه‌زینه‌ جیهانیه‌ی نرخی نه‌وتیشدا نۆسه‌د دیناری پێده‌ده‌م بۆئه‌وه‌ی حكومه‌تی هه‌رێم تائه‌وكاته‌ی به‌غدا پاره‌ی بۆده‌نێرێت بتوانێت موچه‌له‌كاتی خۆیدابدات!جارجارییش ترپه‌ی دڵم ئه‌ڵێی تێنسی سه‌رزه‌ویه‌و درێژی ساحه‌كه‌ی بووه‌ته‌ دووهێنده‌و له‌م به‌ر كه‌ یاریزانه‌كه‌ لێی ده‌دات قه‌یرێكی پێ ده‌چێت تاله‌و به‌ر له‌زه‌وی ده‌دات و یاریزانی به‌رامبه‌ریش لێی ده‌داته‌وه‌ , جاری وایشه‌ ده‌ڵێی ته‌پڵی ئاوازی پێشوازی كردن و هێنانه‌وه‌ی ته‌رمی ئه‌و سه‌ركرده‌ قاره‌مانانه‌ی كورده‌ كه‌له‌به‌ر بێ پزیشكی له‌ئه‌وروپا دڵه‌مه‌زنه‌كه‌یان له‌داخی مه‌ینه‌تیه‌كانی ئه‌م گه‌له‌ سته‌مدیده‌یه‌ له‌لێدان ده‌كه‌وێت, جاری واشه‌ له‌گه‌ڵ ته‌قه‌ی دانم ئاوازه‌كه‌ ده‌كه‌ن به‌یه‌ك و به‌جووت پێكه‌وه‌ ده‌خوێنن وه‌كو ئۆپۆزسیۆن له‌گه‌ڵ ....جاران گوته‌نی خۆیان... (خوێنڕێژودزه‌كان)ی دوێنێ و برای ئه‌زیز و هاوكاری ئه‌مڕۆیان له‌ده‌سه‌لاَت .

سه‌رتان نه‌یه‌شێنم كاكم هات و كه‌بینیمی وتی هه‌سته‌ بابچین بۆ تێكه‌ڵه‌یه‌ك لای ئه‌و معاون توبیه‌ی لای خۆمان! بیرم كه‌وته‌وه‌ جارێكی تریش له‌كه‌ركوك بێ ئێوه‌ ناخۆش ببورن له‌ئێوه‌ به‌دوور تێكه‌ڵه‌یه‌كیان بۆكردم ده‌ست به‌جێ .... تۆبه‌ خوایه‌ ....دوای سه‌عاتێك هه‌موو گیانم سه‌رئاو گه‌ڕا هێنده‌ عه‌ره‌قم پێ كرده‌وه‌ ده‌تگوت من سه‌رۆكی ئه‌م حكومه‌ته‌و هه‌رێمه‌م و خه‌ڵك له‌ده‌ست من هاتۆته‌ سه‌ر جاده‌... له‌خه‌جاڵه‌تیدا وام لێهاتووه‌ به‌هه‌رحاڵ خواشیفای دام.
جاوه‌ك سه‌ره‌ی وه‌زاره‌ته‌كان بۆ موچه‌ ئه‌مجاره‌ سه‌ره‌ هاته‌ سه‌ر خێزانم , هه‌رچه‌نده‌ گیرفانیشم ته‌قریبه‌ن به‌تاڵ بوو , وه‌ك پاسی دائیره‌كه‌یان كه‌ ڕۆژانه‌ بۆ چه‌ندنه‌فه‌رێك ده‌رئه‌چێت ئێمه‌ش ده‌رچووین, خوا هه‌ڵناگرێت جه‌نابی به‌ڕێوبه‌ره‌كه‌یان (كه‌ماڵیان له‌ گه‌ڵ فه‌رمانگه‌كه‌ی موو به‌به‌ینیاندا ناچێت وه‌ك ئه‌ودوو موحافیزه‌ی سلێمانی كه‌به‌نۆره‌ ده‌چنه‌سه‌ره‌وه‌ و دنیاشیان له‌ خواره‌وه‌ داوه‌به‌شه‌ڕ) هه‌ر زوو سه‌عات 9:30 گه‌یشته‌دائیره‌و وه‌ره‌قه‌ی بۆئیمزاكردین بۆ خه‌سته‌خانه‌ ئه‌و وه‌ره‌قه‌یه‌ش بۆئه‌وه‌یه‌ نه‌بادا دكتۆر له‌ده‌ستی ده‌رچێت و له‌م بێ پاره‌ییه‌دا دوو ڕۆژی بۆ بكاته‌ ئیجازه‌ , به‌هه‌ر حاڵ چوار ده‌رزی بۆ نوسرا ,دوانی لێدراو دوانیشیمان هێنایه‌وه‌ ماڵه‌وه‌ , له‌تاو نه‌خۆشی خێزانم قه‌ت ئه‌وه‌نده‌ متمانه‌م به‌حكومه‌ت نه‌بوو,
بۆشه‌و كه‌ چوینه‌لای ئه‌و یاریده‌ده‌ری پزیشكیه‌ی نزیك خۆمان ده‌رزیه‌كانی لێ وه‌رگرتم و سه‌یرێكی كردم و پێكه‌نی و گوتی ئه‌وه‌ئه‌گه‌ر لای ئێمه‌ ئه‌م ده‌رمانه‌ بگرن چیمان پێ ده‌كه‌ن؟ وتم بۆ؟!
وتی تۆ سه‌یری به‌رواری دروستكردن و به‌ سه‌رچوونه‌كه‌ی بكه‌.
له‌ڕستیدا من وام بیستووه‌ كه‌ به‌رواری به‌سه‌ر چوون ئه‌گه‌ر ڕۆژی تیانه‌بێت واته‌ ته‌نها ساڵ و مانگ نوسرابوو ئه‌وه‌ به‌سه‌ر چونه‌كه‌ تاكۆتایی ئه‌و مانگه‌یه‌ كه‌نوسراوه‌ , به‌س توخوا ئه‌م ده‌رمانه‌ له‌ساڵی 2010 ه‌وه‌ تا ئیستا كه‌ دووهه‌فته‌ی ماوه‌ مانگی یه‌كی 2015 ته‌واو ببێت چ زه‌مانه‌تێك هه‌یه‌ به‌باشی هه‌ڵگیرابێت ,
 باوه‌ڕ ناكه‌م ئه‌م ده‌رمانه‌ش قاچاخچی هێنابێتیه‌ ئه‌م ولاَته‌وه‌, له‌وه‌ش گه‌ڕێن ئه‌گه‌ر جه‌نابی وه‌زیر تۆزێك به‌مانای سیاسه‌ت وه‌ك ئه‌م سیاسیانه‌ی لای خۆمان له‌ ئێستاوه‌ وه‌ك بانگه‌شه‌ی هه‌ڵبژاردن و په‌سه‌ند كردنی خۆی بۆ داهاتوو به‌ پێنج شه‌ش حیمایه‌و و دوو كه‌ناڵی ته‌له‌فیزیۆنی خۆیانه‌وه‌ ڕووی كرده‌ یه‌كێك له‌ بنكه‌ ته‌ندروستیه‌كان و به‌ناوی نه‌خۆشیه‌وه‌ دوو ده‌رزی (له‌و ده‌رزی پڕۆكاینه‌ نزیك به‌سه‌ر چووانه‌ی كه‌جاری وایه‌ هه‌ربه‌تازه‌یی ئه‌ڵێی گه‌چه‌ له‌ سرنجه‌كه‌دا ئه‌نیشێت)پێدراو ئه‌وكارمه‌نده‌ش كه‌ده‌رزی لێده‌دات پێی گوت سه‌یری به‌رواره‌كه‌ی مه‌كه‌  جه‌نابی وه‌زیر خۆت شلكه‌ دوو هه‌فته‌ی ماوه‌!  ئایا جه‌نابی وه‌زیر ئاماده‌یه‌ ئه‌و موجازه‌فه‌یه‌ به‌ گیانی خۆی بكات ؟؟
ته‌بعه‌ن وه‌لاَم نه‌خێره‌ . ئه‌ی زه‌حمه‌ت نه‌بێت ئه‌و خه‌ڵكه‌ی ده‌نگی پێداون به‌ مشكی تاقیگه‌ی ئه‌زانن یا به‌مرۆڤ؟
ئاخر حكومه‌ته‌ بێ ڕووه‌كه‌ی هه‌رێمی كوردستان , خۆ ئێمه‌ ناڵێین بۆ ددان ئێشه‌یه‌ك ڕه‌وانه‌ی ئه‌وروپامان بكه‌ن كه‌نایشی كه‌ن, به‌س پێدانی ده‌رمانی نزیكه‌ به‌سه‌رچوون له‌پای چی؟ ساڵی ڕابردوو ژماره‌یه‌كتان كوێركرد ئه‌مساڵیش ژماره‌یه‌ك گێڕكه‌ن.
ئاری بكر
 هاوپێچ / وێنه‌ی دوو ده‌رزی له‌و چوارده‌رزیه‌ پڕۆكاینه‌ی كه‌پێیان داین له‌یه‌كێك له‌ بنكه‌ته‌ندروستیه‌كانی شاری سلێمانی

ليست هناك تعليقات:

إرسال تعليق